Mijëra njerëz kanë protestuar në qytete anembanë Spanjës për mënyrën se si qeveria po e trajton fluksin e emigrantëve në enklavën spanjolle të Ceutës në bregdetin verior të Afrikës, ka raportuar BBC, transmeton Gazeta Express.
Partitë opozitare spanjolle akuzojnë kryeministrin Pedro Sánchez se ka braktisur banorët e Ceutës, ndërsa qeveria thotë se partitë e krahut të djathtë po e shfrytëzojnë krizën.
Të mërkurën, një raport policor tha se forcat marokene të sigurisë treguan “lejueshmëri totale” gjatë fluksit të paparë, disa ditë pasi Sánchez këmbënguli se Maroku nuk ishte përgjegjës.
Ai ka fajësuar bandat e trafikimit dhe dezinformimin online për inkurajimin e njerëzve për të kaluar kufirin. Maroku ka mohuar orkestrimin ose përfshirjen në kalimin masiv.
Të paktën 72,000 emigrantë kaluan nga Maroku në Ceuta më 30 dhe 31 korrik dhe megjithëse shumica janë kthyer, deri në 5,000 mbeten në kampe të improvizuara ose të shpërndarë nëpër rrugët e qytetit ose në plazh – duke çuar në trazira në qytetin autonom në Afrikën e Veriut dhe një krizë për Sánchezin.
Ka pasur protesta pothuajse të përditshme nga vendasit, me demonstruesit që bëjnë thirrje që emigrantët të kthehen në vendet e tyre të origjinës ose të rishpërndahen në të gjithë Spanjën.
Mbimjet e së mërkurës u thirrën nga këshillat bashkiake në të gjithë Spanjën ku partitë e opozitës – Partia Populare konservatore (PP) dhe partia e ekstremit të djathtë Vox – qeverisin ose kanë popullaritet të konsiderueshëm.
Demonstruesit i bënë thirrje Sánchez të japë dorëheqjen.
The post Protesta në Spanjë kundër qeverisë për menaxhimin e krizës së emigrantëve në Ceuta appeared first on Gazeta Express.
