Një person ka vdekur si pasojë e një aksidenti mes një automjeti dhe një motoçiklete, që ka ndodhur të mërkurën në mbrëmje në fshatin Llukar të Prishtinës.
Zëdhënësja e Policisë për rajonin e Prishtinës, Flora Ahmeti, ka thënë se aksidenti ka ndodhur rreth orës 20:20.
“Sot rreth orës 20:20, kemi pranuar informatën se në fshatin Llukar të Prishtinës ka ndodhur një aksident trafiku. Në këtë aksident ka qenë i përfshirë një automjet dhe një motoçikletë. Si pasojë e aksidentit, motoçiklisti ka vdekur. Vdekja e viktimës, mashkull, është konstatuar nga ekipi mjekësor në QKUK”, ka deklaruar Ahmeti.
Sipas saj, me rastin po merret Njësiti i Trafikut Rajonal.
