Portali “Piranjat” ka publikuar një material ku thonë se një person me emrin Albert Kastrati, 8 muaj më parë ka tentuar t’ua ofrojë një material që targeton shefin e kabinetit të Përparim Ramës Florent Maliqin që sipas tyre përbën shantazh.
Sipas “Piranjave” personi me emrin Albert Kastrati u kishte kërkuar qe materialin që do t’ua ofronte ta prezantonin si meritë të punës së tyre, por në fakt qëllimi ishte që portali të përdorej si “mashë për të goditur njeriun më të afërt të kryetarit të Prishtinës.
” A pe merr një punë përsipër” dëgjohet duke thënë personi që sipas Piranjave është Albert Kastrati, bashkëshorti i kandidates për deputete të LDK’së Anduena Mekuli – Kastrati.
Sipas “Piranjave” ky person ka tentuar të “ushtrojë presion përmes publikimit të shpifjeve të rënda në media me qëllim të përfitimit të shumës prej 100 mijë euro”.
Lëvizja Vetëvendosje javën që shkoi dorëzoi kallëzim penal në Prokurorinë Speciale ndaj Maliqit dhe disa zyrtarëve të kabinetit të Komunës së Prishtinës, duke i akuzuar për dyshime për keqpërdorim të detyrës zyrtare. Por, Maliqi i ka mohuar të gjitha këto akuza.
Më poshtë mund ta dëgjoni të plotë përmbajtjen e audioincizimit që kanë publikuar “Piranjat”
The post Piranjat: Si u tentua të shantazhohet shefi i kabinetit të Përparim Ramës përmes portalit tonë – oferta 100 mijë euro appeared first on Gazeta Express.
