Zëdhënësi i policisë për rajonin e Prizrenit, Shaqir Vytyqi, tha për Express se sot rreth orës 13:00, policia ka pranuar informatën se në fshatin Vlashnje të Prizrenit është shkaktuar një zjarr.
Sipas tij, “menjëherë në drejtim të vendit të ngjarjes kanë dalë njësitet policore dhe ekipet e zjarrfikësve”.
“Pas intervenimit të zjarrfikësve, zjarri është lokalizuar dhe shuar”, tha Bytyqi.
“Si pasojë e zjarrit, pesë vetura janë përfshirë nga zjarri dhe janë dëmtuar”, tha ai.
Policia ka identifikuar një person të dyshuar dhe në konsultim me prokurorin kujdestar, rasti është iniciuar për veprën penale “Shkaktimi i rrezikut të përgjithshëm”.
Pas intervistimit, “i dyshuari është liruar në procedurë të rregullt, ndërsa rasti mbetet nën hetime”, përfundoi Bytyqi.
Pamje:
The post Pamje, digjen 5 vetura në Vlashnje të Prizrenit – intervistohet një i dyshuar dhe më pas lirohet appeared first on Gazeta Express.
