Një fëmijë 7-vjeçar ka humbur jetën mëngjesin e sotëm në fshatin Mengel të Elbasanit, pasi është përplasur nga një automjet pranë një shkolle.
Sipas Policisë së Elbasanit, aksidenti ka ndodhur rreth orës 08:00 në aksin rrugor Elbasan–Librazhd, ku një veturë e drejtuar nga një 61-vjeçar me inicialet P.B. ka goditur të miturin.
Si pasojë e plagëve të marra, fëmija ka ndërruar jetë në vendngjarje.
Drejtuesi i automjetit është shoqëruar në komisariat dhe ndaj tij po zhvillohen veprimet e mëtejshme procedurale.
Ndërkohë, grupi hetimor ndodhet në vendngjarje dhe po punon për të sqaruar plotësisht rrethanat dhe shkaqet e aksidentit.
“Rreth orës 08:00, në aksin rrugor “Elbasan-Librazhd”, automjeti me drejtues shtetasin P. B., 61 vjeç, ka përplasur një fëmijë rreth 7 vjeç, i cili si pasojë ka humbur jetën. Drejtuesi i automjetit është shoqëruar në Komisariat, për veprime të mëtejshme. Grupi hetimor në vendngjarje po punon për zbardhjen e rrethanave të aksidentit”, thuhet në njoftim.
