Zëvendësndihmëssekretari i përgjithshëm i NATO-s për Partneritete, Kevin Hamilton, është pyetur nga mediat serbe për planet e Kosovës për formimin e xhandarmërisë.
Hamiltoni i tha mediumit në gjuhën serbe KosovoOnline se çdo çështje që ka të bëjë me sigurinë në Kosovë kërkon konsultime me KFOR-in dhe institucionet e NATO-s, transmeton Zeri.info.
“Na duhen më shumë informacione rreth kësaj ideje. Çdo çështje që ka të bëjë me sigurinë në Kosovë duhet të konsultohet me KFOR-in dhe institucionet e NATO-s. Shpresojmë të marrim më shumë informacione”, tha Hamiltoni, i cili sot mori pjesë në përfundim të stërvitjes së përbashkët të ushtrisë serbe dhe NATO-s në poligonin e stërvitjes Borovac pranë bazës “Jug” në Serbi. /Zëri
