Kandidati për deputet nga koalicioni LVV-PSHDK, Zef Morina, ka deklaruar se disponimi i qytetarëve në terren tregon për një mbështetje më të madhe për këtë subjekt politik në zgjedhjet e ardhshme.
Sipas tij, një rezultat mbi 51.1 për qind do të ishte sinjal i qartë se qytetarët nuk dëshirojnë më bllokada politike si ato që kanë ndodhur pas zgjedhjeve të fundit.
“Disponimi i njerëzve është që kësaj radhe të jetë një rezultat shumë më i mirë në mënyrë që të mos ketë më bllokada të partive tjera. Nuk mendoj që 60% edhe pse kemi dëshirë, por çdo rezultat që është mbi 51.1% të jep me nënkuptua që qytetarët nuk duan më bllokada siç ka qenë në zgjedhjet e fundit”, deklaroi ai në emisioni “Këndi i Debatit” në Tëvë1.
