Kryeministri hungarez, Peter Magyar, të enjten ka zhvilluar një takim me Sekretarin e Përgjithshëm të NATO-s, Mark Rutte, ku përpos tjerash, ka folur edhe për angazhimin e vendit të tij në misionin e Aleancës në Kosovë, KFOR.
Përmes një postimi në Facebook, Magyar tha se vendi i tij do të rikthehet si partner i besueshëm i aleancës më të fuqishme ushtarake dhe mbrojtëse në botë.
Po ashtu, ai tha se bashkë me sekretarin Rutte janë pajtuar që “ushtarët hungarezë po i kryejnë detyrat e tyre mirë brenda misionit paqeruajtës së NATO-s në Kosovë”, raporton “United24Media“.
“Për momentin, bashkëpunimi mes Budapestit dhe NATO-s mbetet i kufizuar në pjesëmarrjen e misionit paqeruajtës të aleancës në Kosovë”, shkroi kryeministri hungarez.
Për më tepër, ai tha se Rutten e ka informuar edhe me vendimin e vendit të tij për të mos dërguar as armatim e as pajisje luftarake në luftën Rusi-Ukrainë.
The post Magyar dhe Rutte flasin për angazhimin hungarez në KFOR appeared first on Gazeta Express.
