Donald Trump, Vladimir Putin dhe Xi Jinping pritet të takohen javën e ardhshme në Kinë, në margjinat e samitit të Bashkëpunimit Ekonomik Azi-Paqësor (APEC), ka njoftuar Shtëpia e Bardhë.

Zëdhënësja Olivia Wales ka bërë të ditur se takimi i liderëve të SHBA-së, Rusisë dhe Kinës do të mbahet në qytetin Shenzhen.

Sipas saj, Trump synon të diskutojë, ndër të tjera, reduktimin e armëve bërthamore në botë, përhapjen e të cilave e konsideron shumë të rrezikshme.

Në takim mund të diskutohet edhe për Iranin, por jo për Ukrainën. Megjithatë, një zyrtar i lartë amerikan ka thënë se nuk pritet të arrihet ndonjë marrëveshje pas bisedimeve.

Trump do të mbërrijë në Shenzhen të mërkurën në mbrëmje, ndërsa të enjten do të zhvillojë edhe një takim dypalësh me presidentin kinez, Xi Jinping, raporton BBC.

Burimi: RTKLive