Një person u vra dhe një tjetër u plagos në një të shtënë me armë në Budva të Malit të Zi.

Sipas informacioneve nga “Vijesti”, të shtënat ndodhën në një restorant pranë semaforëve kryesorë në Budva, përcjell Telegrafi.

Një person u vra dhe trupi u la në trotuarin përpara restorantit turk, ndërsa tjetri, i plagosur, iku nga vendi i ngjarjes.

Tek burri i plagosur u gjetën dy pistoleta.

Policia e gjeti atë pranë shkollës fillore, nga ku u transportua me ambulancë për ndihmë mjekësore.

Policia është në kërkim të dy personave të tjerë që ikën.

Policia bllokoi kryqëzimin kryesor dhe po zhvillohet një kontroll i restorantit dhe marrja në pyetje e dëshmitarëve.

Drejtoria e Policisë (UP) konfirmoi këtë mbrëmje se një person u vra.

“Sonte, rreth orës 21:10, Shërbimi i Kujdestarisë i Departamentit të Sigurisë së Budvës u njoftua se ishte përdorur një armë zjarri. Me të mbërritur në vendngjarje, u përcaktua se një person ishte vrarë. Menjëherë pas incidentit, oficerët e policisë nga Departamenti i Sigurisë së Budvës vendosën bllokada dhe ndërmorën masa dhe veprime urgjente për të identifikuar, gjetur dhe kapur autorin e krimit pas kryerjes së krimit”, thuhet në deklaratë.

Policia shtoi se duke ndërmarrë masat dhe veprimet e para operative, oficerët e policisë gjetën dhe ndaluan një person në ndjekje, dhe se gjetën armë zjarri – dy pistoleta, si dhe gjurmë të tjera në vendngjarje. /Telegrafi/