Putini u poshtërua në mënyrë elegante në Kinë

Putini u poshtërua në mënyrë elegante në Kinë

Putini u poshtërua në mënyrë elegante në Kinë

Një dallim i dukshëm në pritjen e liderëve në samitin e APEC-ut në Kinë ka nxitur interpretime për raportet mes Pekinit, Moskës dhe Washingtonit.

Sponsor 3M Express

Presidenti amerikan, Donald Trump, u prit personalisht nga homologu i tij kinez, Xi Jinping, ndërsa presidenti rus, Vladimir Putin, u prit nga një zyrtar tjetër i lartë kinez.

Trumpi mbërriti në Shenzhen për të marrë pjesë në samitin e APEC-ut, ku u mirëprit nga vetë Xi Jinping. Ndërkaq, kur Putini mbërriti në Kinë, presidenti kinez nuk ishte i pranishëm për ta pritur.

Në vend të tij, presidentin rus e priti Cai Qi, shefi i Zyrës së Përgjithshme të Komitetit Qendror të Partisë Komuniste të Kinës.

Ky dallim në nivelin e pritjes është interpretuar si një sinjal diplomatik nga Pekini për pozitën e Rusisë në raport me Kinën. Sipas këtij interpretimi, fakti që Trumpi u prit personalisht nga Xi, ndërsa Putini jo, mund të tregojë se Moska nuk gëzon të njëjtin status në marrëdhëniet me udhëheqjen kineze.

Gjesti është parë edhe si një mënyrë e kujdesshme e Pekinit për t’i kujtuar Moskës se, pavarësisht partneritetit të ngushtë mes dy vendeve, raportet e tyre nuk janë domosdoshmërisht marrëdhënie mes të barabartësh.

Kjo situatë, sipas këtij vlerësimi, i ka dobësuar edhe përpjekjet e propagandës ruse për ta paraqitur vendin si një superfuqi me ndikim të barabartë me Shtetet e Bashkuara dhe Kinën.

Megjithatë, niveli i pritjes diplomatike nuk përbën në vetvete dëshmi për një ndryshim të politikës së Kinës ndaj Rusisë, por mund të lexohet si një gjest simbolik në marrëdhëniet mes tri fuqive botërore. /Telegrafi/

Lexo edhe

Konjufca pret në takim lamtumirës ambasadoren e Izraelit në Kosovë, Tamar Ziv

Konjufca pret në takim lamtumirës ambasadoren e Izraelit në Kosovë, Tamar Ziv

Arabia Saudite përgatitet për luftë me Huthët në Jemen, mund të zgjasë deri në vitin 2027

Arabia Saudite përgatitet për luftë me Huthët në Jemen, mund të zgjasë deri në vitin 2027

13 vjet pas versionit të fundit, lansohet GTA 6

13 vjet pas versionit të fundit, lansohet GTA 6