Sulmohen dy policë në veri, 4 persona në pranga – sekuestrohet edhe armë

Sulmohen dy policë në veri, 4 persona në pranga – sekuestrohet edhe armë

Sulmohen dy policë në veri, 4 persona në pranga – sekuestrohet edhe armë

Një ngjarje e rëndë ka ndodhur në orët e para të mëngjesit të sotëm në Mitrovicë të Veriut, ku dy zyrtarë policorë që po qëndronin jashtë orarit zyrtar në një lokal në rrugën “Boris Kidriç” janë fyer dhe më pas sulmuar fizikisht nga disa persona, si pasojë e së cilës njëri prej tyre ka pësuar lëndime të rënda trupore.

Sponsor 3M Express

Për rastin në fjalë ka njoftuar Policia e Kosovës.

Si ndodhi ngjarja?

Dy zyrtarët policorë, të cilët ndodheshin në lokalin e natës jashtë detyrës zyrtare, janë fyer fillimisht nga disa persona për shkak të punës së tyre zyrtare. Situata ka eskaluar pasi ata kanë dalë jashtë lokalit, ku janë sulmuar fizikisht në grup. Si pasojë e dhunës së ushtruar, njëri nga zyrtarët policorë ka marrë lëndime të rënda trupore, sipas vlerësimit të mjekut kujdestar, dhe po kërkon trajtim mjekësor.

Reagimi i Policisë dhe arrestimet në vendin e ngjarjes

Reagimi i njësive policore ka qenë i menjëhershëm. Në vendin e ngjarjes janë arrestuar dy nga të dyshuarit e parë:

S. L. (i lindur më 2001)

U. L. (i lindur më 2005)

Gjatë verifikimit të procedurave, pas kontrollit në adresën e banimit të të dyshuarit S. L. në Mitrovicë të Veriut, policia ka gjetur dhe sekuestruar disa armë me leje, në bazë të udhëzimeve të Prokurorit të Shtetit.

Zgjerimi i hetimeve: Identifikohen dhe kapen edhe dy persona të tjerë

Falë punës intensive dhe veprimeve operative të hetuesve rajonalë, rrethanat e rastit janë zbardhur më tej, duke çuar në identifikimin dhe shoqërimin e dy personave të tjerë të përfshirë në sulm:

N. M. (i lindur më 2004)

L. M. (i lindur më 2005)

Edhe ndaj njërit prej këtyre të fundit, gjatë kontrollit, policia ka gjetur dhe sekuestruar një armë me leje.

Masat e sigurisë: 48 orë ndalim dhe vepra penale

Të katër të dyshuarit janë intervistuar në prani të avokatëve mbrojtës. Me vendim të prokurorit kompetent, atyre u është caktuar masa e ndalimit prej 48 orësh dhe ndaj tyre kanë nisur hetimet për veprën penale ‘Sulm ndaj personit zyrtar’.

Autoritetet e rendit, në koordinim të ngushtë me Prokurorinë e Shtetit, po vazhdojnë hetimet për të ndriçuar plotësisht çdo detaj dhe rrethanë të këtij sulmi brutal ndaj efektivëve të policisë.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Kocka është ngjitur, por dora apo këmba ende nuk ju bindet: Çfarë ndodh pas heqjes së gipsit?

Kocka është ngjitur, por dora apo këmba ende nuk ju bindet: Çfarë ndodh pas heqjes së gipsit?

Kamberi në Parlamentin e Serbisë: Të drejtat dhe barazia e shqiptarëve në Luginë janë të panegociueshme

Kamberi në Parlamentin e Serbisë: Të drejtat dhe barazia e shqiptarëve në Luginë janë të panegociueshme

Në Nju Jork mbahet gala mbrëmja e NCAFP-së, në mesin e të pranishmëve ambasadorë dhe diplomatë amerikanë

Në Nju Jork mbahet gala mbrëmja e NCAFP-së, në mesin e të pranishmëve ambasadorë dhe diplomatë amerikanë