Deputetët e Kuvendit të Kosovës, sërish do të mblidhen nesër në një seancë plenare.

Në rend dite janë paraparë 10 pika, ku në mesin e tyre është edhe interpelanca e ministrit të Shëndetësisë, Arben Vitia.

Ai është thirrur për të raportuar në lidhje me vdekjen e pacientes me kancer të gjirit që mbeti katër muaj pa terapi dhe mungesa e barnave onkologjike.

Gjithashtu, në pikën e 10-të do të diskutohet mocioni përmbajtjesor mbi gjendjen në planifikimin, çmimin dhe furnizimin me energji elektrike në Kosovë.

Seanca është paraparë të nisë nga ora 10:00.

Këto janë të gjitha pikat e rendit të ditës:

1 . Miratimi i procesverbalit nga seanca e mëparshme

2 . Deklarimet jashtë rendit të ditës

3 . Pyetjet parlamentare

4 . Shqyrtimi i Projektligjit nr. 11/L-024 për ratifikimin e Marrëveshjes ndërmjet Republikës së Kosovës dhe Mbretërisë së Suedisë për ekstradim

5 . Shqyrtimi i Projektligjit 11/L-025 për ratifikimin e Marrëveshjes ndërmjet Republikës së Kosovës dhe Mbretërisë së Suedisë për transferimin e personave të dënuar

6 . Shqyrtimi i Projektligjit nr. 11/L-026 për ratifikimin e Marrëveshjes ndërmjet Republikës së Kosovës dhe Mbretërisë së Suedisë për ndihmën e ndërsjellë juridike në çështjet penale

7 . Shqyrtimi i Projektligjit nr. 11/L-027 për ratifikimin e Traktatit për Ndihmë të Ndërsjellë Juridike në Çështjet Penale ndërmjet Republikës së Kosovës dhe Mbretërisë së Belgjikës

8 . Propozim-Programi i Punës së Kuvendit të Republikës së Kosovës për Sesionin Vjeshtor 2026

9 . Interpelanca me ministrin e Ministrisë së Shëndetësisë, z. Arben Vitia, në lidhje me vdekjen e pacientes me kancer të gjirit që mbeti katër muaj pa terapi dhe mungesa e barnave onkologjike

10 . Mocion përmbajtjesor mbi gjendjen në planifikimin, çmimin dhe furnizimin me energji elektrike në Kosovë