Një 36-vjeçar zviceran është gjetur i pajetë në një banesë në Brugg të kantonit Aargau, pasi policia mori një njoftim për të shtëna me armë të martën mbrëma.

Policia që mbërriti në vendngjarje e gjeti burrin me plagë të shkaktuara nga arma e zjarrit. Për të, ndihma mjekësore erdhi tepër vonë.

Pas një operacioni kërkimi dhe hetimesh, policia arrestoi të mërkurën pasdite një 38-vjeçar nga Tunizia, i cili dyshohet rëndë se është i përfshirë në ngjarje, shkruan Aargauer Zeitung, transmeton Telegrafi.

Policia dhe Prokuroria e Aargaut dyshojnë për vrasje dhe kanë nisur hetimet penale. Prokuroria pritet të kërkojë paraburgimin e të dyshuarit.

Sipas autoriteteve, nuk ka pasur rrezik për popullatën./Telegrafi/