Një ngjarje e rëndë ka ndodhur në Drenas, ku ka ndërruar jetë Hajrush B. Berisha, punëtor teknik në shkollën IAAP “Fehmi Lladrovci”.
Lajmin e ka bërë të ditur drejtoria e shkollës, përmes një njoftimi publik, ku thuhet se Berisha ka vdekur më 5 nëntor, rreth orës 18:23, derisa ndodhej në vendin e tij të punës.
Në shenjë respekti dhe zie për të ndjerin, drejtoria ka njoftuar se sot, më 6 nëntor, nuk do të mbahet mësim.
“Me pikëllim të thellë ju njoftojmë se sot, rreth orës 18:23 në vendin e tij të punës, ka ndërruar jetë punëtori teknik i shkollës sonë, Hajrush B. Berisha”, thuhet në njoftimin e shkollës.
Drejtoria u ka shprehur ngushëllimet më të sinqerta familjes Berisha, të afërmve dhe gjithë komunitetit shkollor.
Sinjali – aty ku e vërteta flet para lajmit!
Burimi: Sinjali
