Dyshohet se gëlltiti një qese substancë narkotike, ndërron jetë 26 vjeçarja – u dërgua dy herë në Emergjencën e Spitalit të Prizrenit

Dyshohet se gëlltiti një qese substancë narkotike, ndërron jetë 26 vjeçarja – u dërgua dy herë në Emergjencën e Spitalit të Prizrenit

Dyshohet se gëlltiti një qese substancë narkotike, ndërron jetë 26 vjeçarja – u dërgua dy herë në Emergjencën e Spitalit të Prizrenit

Një rast i rëndë është regjistruar në Spitalin e Përgjithshëm “Prim. Dr. Daut Mustafa” në Prizren, ku një 26-vjeçare ka ndërruar jetë gjatë natës, pasi paraprakisht ishte dërguar në emergjencë me dyshimin se kishte gëlltitur një qese që mund të përmbante substancë narkotike.

Sponsor 3M Express

Lajmi është bërë i ditur nga Spitali i Përgjithshëm në Prizren, përmes një njoftimi zyrtar, ku janë paraqitur detajet e trajtimit mjekësor të pacientes.

Sipas njoftimit, 26-vjeçarja ishte sjellë nga Policia e Kosovës në Emergjencën e spitalit rreth orës 19:00 të mbrëmjes së kaluar.

Pas pranimit, asaj i ishin kryer ekzaminimet e nevojshme diagnostike, përfshirë radiografinë e traktit torako-abdominal, ultrazërin e abdomenit dhe ekzaminimin gjinekologjik.

Nga rezultatet e këtyre ekzaminimeve, sipas spitalit, nuk ishin evidentuar gjetje pozitive.

Pacientja kishte qenë në gjendje stabile shëndetësore dhe, pas vlerësimit mjekësor, ishte liruar nga shërbimi i emergjencës.

Megjithatë, siç thuhet në njoftim situata mori një kthesë tragjike vetëm disa orë më vonë.

“Rreth orës 00:45, e njëjta paciente është sjellë sërish në Shërbimin e Emergjencës, nga ekipi i Urgjencës dhe nën përcjelljen e Policisë së Kosovës, pa shenja vitale. Menjëherë janë ndërmarrë të gjitha masat e nevojshme të reanimimit kardiopulmonar (RKP), si dhe është konsultuar mjeku anesteziolog. Pavarësisht përpjekjeve të ndërmarra nga ekipi mjekësor, pacientja ka përfunduar me exitus letalis”.

Spitali i Përgjithshëm në Prizren ka shprehur keqardhje të thellë për rastin tragjik, duke u shprehur ngushëllime familjarëve të viktimës.

“Institucioni ynë shpreh keqardhje të thellë për këtë rast tragjik dhe ngushëllimet më të sinqerta për familjen e pacientes. Duke pasur parasysh ndjeshmërinë e rastit, theksojmë se të gjitha rrethanat që lidhen me këtë ngjarje duhet të trajtohen dhe sqarohen nga organet kompetente, në përputhje me procedurat ligjore dhe profesionale. Institucioni ynë mbetet i gatshëm për bashkëpunim të plotë me organet kompetente dhe për ofrimin e të gjithë dokumentacionit dhe informacionit të nevojshëm për sqarimin e plotë të rrethanave të rastit”, thuhet në njoftim. /Telegrafi/

Lexo edhe

“Ku je ministër, a ma prune?” – Dosja e Prokurorisë për rastin e kokainës, përgjimet që e lidhin Astrit Haraqinë me shpërndarësin e kokainës

“Ku je ministër, a ma prune?” – Dosja e Prokurorisë për rastin e kokainës, përgjimet që e lidhin Astrit Haraqinë me shpërndarësin e kokainës

Hapet zyra e Avokatit të Popullit në Mitrovicë të Veriut

Hapet zyra e Avokatit të Popullit në Mitrovicë të Veriut

Çmimet e naftës bien në tregjet botërore, rriten pritjet për furnizim më të madh

Çmimet e naftës bien në tregjet botërore, rriten pritjet për furnizim më të madh