Bajrami: Shtatë vjet me vonesë, tregtarët e energjisë përfituan nga vendimet e Qeverisë Kurti

Bajrami: Shtatë vjet me vonesë, tregtarët e energjisë përfituan nga vendimet e Qeverisë Kurti

Bajrami: Shtatë vjet me vonesë, tregtarët e energjisë përfituan nga vendimet e Qeverisë Kurti

Deputetja e Lidhjes Demokratike të Kosovës (LDK), Hykmete Bajrami ka reaguar pas vendimit të fundit të Qeverisë në sektorin e energjisë, duke kritikuar vonesat dhe politikat energjetike të ekzekutivit të udhëhequr nga Albin Kurti.

Sponsor 3M Express

Përmes një postimi, Bajrami ka thënë se Qeveria për shtatë vjet ka pasur mundësi të ndryshme për të investuar në projekte strategjike energjetike, por sipas saj, ka vendosur t’i refuzojë ato.

Ajo ka përmendur në veçanti projektin e termocentralit të ri përmes kompanisë ContourGlobal, projektin e gazit amerikan të mbështetur nga Korporata e Sfidës së Mijëvjeçarit (MCC), si dhe mundësinë e furnizimit me gaz të lëngshëm amerikan (LNG).

Sipas Bajramit, refuzimi i këtyre projekteve ka bërë që Kosova të vazhdojë të përballet me mungesë të kapaciteteve të reja prodhuese dhe varësi nga importi i energjisë elektrike.

Ajo ka pretenduar se gjatë kësaj periudhe përfituesit kryesorë kanë qenë tregtarët e energjisë, ndërsa koston e kësaj gjendjeje e kanë bartur qytetarët dhe bizneset.

“Mos mendoni që Kurti & Co. nuk e kanë ditë kush përfiton e kush paguan”, ka shkruar Bajrami.

Deputetja e LDK-së ka kritikuar edhe mënyrën se si, sipas saj, Qeveria po e prezanton vendimin e fundit, duke thënë se nuk mund të marrë meritat për një zgjidhje që vjen pas vitesh të humbura. /Telegrafi/

Lexo edhe

Zelensky: Sulme ruse në 8 rajone të Ukrainës, po ndodhin për shkak të kufizimeve të Starshield

Zelensky: Sulme ruse në 8 rajone të Ukrainës, po ndodhin për shkak të kufizimeve të Starshield

Ramadani për vendimin e Qeverisë për energjinë: Perde tymi për t’i arsyetuar ndaljet e rrymës dimrit

Ramadani për vendimin e Qeverisë për energjinë: Perde tymi për t’i arsyetuar ndaljet e rrymës dimrit

Rizvanolli shpjegon pse Qeveria ndaloi tregtimin e energjisë me kompanitë serbe

Rizvanolli shpjegon pse Qeveria ndaloi tregtimin e energjisë me kompanitë serbe