Londinezët e nisën më mirë takimin dhe kaluan në epërsi në minutën e parë të golave përmes Eberechi Ezes, i cili realizoi pas një asistimi të bukur nga Kai Havertz.
Newcastle pati vështirësi gjatë pjesës së parë, por reagoi fuqishëm pas pushimit. Harvey Barnes barazoi shifrat në minutën e 49-të, pas një aksioni të nisur nga William Osula.

Vendasit vazhduan presionin dhe në minutën e 75-të arritën ta përmbysnin rezultatin. Malick Thiaw shënoi me kokë, pas një situate të krijuar nga goditja nga këndi, duke e kaluar Newcastle në epërsi 2-1.
Megjithatë, Arsenali nuk u dorëzua dhe arriti të shmangte humbjen. Noni Madueke përfitoi nga një gabim i portierit Lukas Hornicek, duke realizuar për 2-2 dhe duke i siguruar skuadrës së Mikel Artetës një pikë.
Ky barazim i dha fund serisë prej 16 fitoresh radhazi të Arsenalit në Premierligë në ndeshjet ku kishte shënuar golin e parë.
Arsenali mbetet në garën për kreun e tabelës, ndërsa Newcastle mund të pendohet për rastin e humbur për të marrë një fitore të rëndësishme para tifozëve të vet.
Burimi: RTKLive





