Alonso pas humbjes nga Leeds: Jemi të zhgënjyer dhe të trishtuar

Alonso pas humbjes nga Leeds: Jemi të zhgënjyer dhe të trishtuar

Alonso pas humbjes nga Leeds: Jemi të zhgënjyer dhe të trishtuar

Kjo ishte një disfatë e dhimbshme për skuadrën e drejtuar nga Xabi Alonso, ndërsa Leeds arriti fitoren e parë në “Stamford Bridge” që nga viti 1999.

Chelsea e nisi mirë takimin dhe kaloi në epërsi në minutën e 25-të me golin e Emmanuel Emegahës. Megjithatë, mysafirët reaguan shpejt dhe vetëm tri minuta më vonë Noah Okafor barazoi shifrat.

Sponsor 3M Express

Leeds e përmbysi rezultatin në fund të pjesës së parë, kur Dominic Calvert-Lewin shënoi nga pika e bardhë e penalltisë. Në minutën e 58-të, Okafor realizoi golin e dytë personal dhe të tretin për skuadrën e tij, ndërsa Brenden Aaronson vulosi fitoren 4-1 në kohën shtesë.

Pas ndeshjes, trajneri i Chelseat, Xabi Alonso, pranoi se skuadra e tij po kalon një periudhë të vështirë dhe se futbollistëve u ka munguar vetëbesimi.

“Jemi të zhgënjyer dhe të trishtuar. Ishte e vështirë ta përballonim këtë humbje. Jemi në një moment të brishtë dhe kemi humbur një pjesë të vetëbesimit që kishim më parë. Është një periudhë delikate, por duhet ta kalojmë së bashku dhe të gjejmë zgjidhje”, deklaroi Alonso.

Trajneri spanjoll theksoi se skuadra nuk arriti të reagonte siç duhej pas golit të barazimit dhe se në pjesën e dytë i mungoi besimi për të rikthyer ndeshjen.

Kjo humbje e lë Chelsean në vendin e tetë me 18 pikë, ndërsa Leeds ngjitet në pozitën e gjashtë me 20 pikë, vetëm një pikë larg zonës që siguron pjesëmarrjen në Ligën e Kampionëve.

Chelsea do të kërkojë rikthimin te rezultatet pozitive në ndeshjen e ardhshme kundër Nottingham Forest, më 27 nëntor.

Burimi: RTKLive

Lexo edhe

Fabrizio Romano zbulon çfarë duhet të ndodhë që Araujo t’i bashkohet përfundimisht Liverpoolit

Fabrizio Romano zbulon çfarë duhet të ndodhë që Araujo t’i bashkohet përfundimisht Liverpoolit

Biznesmeni farmaceutik me 40 milionë euro tenderë publikë, Prokuroria i sekuestron pasuritë pas hetimeve për aktivitet kriminal në Itali

Biznesmeni farmaceutik me 40 milionë euro tenderë publikë, Prokuroria i sekuestron pasuritë pas hetimeve për aktivitet kriminal në Itali

27 nëntori, afati i fundit për apelimin e vendimit ndaj ish-krerëve të UÇK-së

27 nëntori, afati i fundit për apelimin e vendimit ndaj ish-krerëve të UÇK-së