Korporata Energjetike e Kosovës ka njoftuar se, për shkak të rrjedhjeve të evidentuara në sistemin gypor të kaldajës së njësisë A3 në Termocentralin Kosova A, është vendosur që njësia t’i nënshtrohet ndalimit të kontrolluar sonte, rreth orës 00:00.
Tutje shtohet se, vendimi është marrë nga menaxhmenti dhe stafi profesional i TC Kosova A pas monitorimit të vazhdueshëm të gjendjes teknike dhe vlerësimit se vazhdimi i operimit mund të shkaktojë dëmtime më të mëdha në pajisje, dhe për këtë arsye, ndalimi do të realizohet në mënyrë të planifikuar dhe në përputhje me standardet teknike dhe të sigurisë operative.
‘’ Ekipet e mirëmbajtjes janë në gatishmëri të plotë dhe, sapo të krijohen kushtet për ndërhyrje të sigurt, do të fillojnë identifikimin dhe sanimin e rrjedhjeve me qëllim të rikthimit të njësisë në operim në afatin më të shkurtër të mundshëm’’, thuhet mes tjerash në reagim.
Postimi:
KEK ndal në mënyrë të kontrolluar njësinë A3 të TC Kosova A
Korporata Energjetike e Kosovës (KEK sh.a.) njofton opinionin publik se, për shkak të rrjedhjeve të evidentuara në sistemin gypor të kaldajës së njësisë A3 në Termocentralin Kosova A, është vendosur që njësia t’i nënshtrohet ndalimit të kontrolluar sonte, rreth orës 00:00.
Vendimi është marrë nga menaxhmenti dhe stafi profesional i TC Kosova A pas monitorimit të vazhdueshëm të gjendjes teknike dhe vlerësimit se vazhdimi i operimit mund të shkaktojë dëmtime më të mëdha në pajisje. Për këtë arsye, ndalimi do të realizohet në mënyrë të planifikuar dhe në përputhje me standardet teknike dhe të sigurisë operative.
Ekipet e mirëmbajtjes janë në gatishmëri të plotë dhe, sapo të krijohen kushtet për ndërhyrje të sigurt, do të fillojnë identifikimin dhe sanimin e rrjedhjeve me qëllim të rikthimit të njësisë në operim në afatin më të shkurtër të mundshëm.
Vlen të theksohet se pas sanimit të rrjedhjeve të evidentuara në fund të muajit mars, njësia A3 u rikthye në operim më 2 prill 2026 dhe ka operuar në mënyrë të qëndrueshme për rreth 58 ditë. Duke pasur parasysh vjetërsinë e njësisë dhe ngarkesën e vazhdueshme operative, ky rezultat përbën dëshmi të profesionalizmit dhe përkushtimit të ekipeve të operimit dhe mirëmbajtjes së KEK-ut.
Ndërkohë që KEK po zbaton investimet më të mëdha modernizuese në historinë e Korporatës, veçanërisht në Termocentralin Kosova B, mbetet po aq i përkushtuar në mirëmbajtjen dhe operimin e sigurt të kapaciteteve ekzistuese gjeneruese në TC-A.
KEK do të vazhdojë të informojë opinionin publik për ecurinë e punimeve dhe rikthimin e njësisë A3 në operim.
The post KEK sonte në 00:00 e ndal në ‘‘mënyrë të kontrolluar’’ njësinë A3: Sapo të krijohen kushtet ndërhyjmë për ta rikthyer në operim appeared first on Gazeta Express.
