Nënkryetari i Partisë Demokratike të Kosovës, Uran Ismaili, bashkë me gruan e tij kanë shkuar për një vizitë vizitë në Skenderaj te kryetari i komunës Sami Lushtaku.
Duke iu referuar ngjarjeve të djeshme në Skenderaj, Ismaili tha se atje dështoi “skenari” i Albin Kurtit “për dhunë”.
“Së bashku me Arizonën, e kaluam mëngjesin në shtëpinë e mikut tonë, Sami Lushtaku, në Skënderaj. Ngjarjet e ditëve të fundit patën në cak qytetin e Skenderajit, duke dërguar forca të shumta policore. Jam i lumtur që organizimi qytetar dhe bashkëpunimi me institucionet e pamundësuan skenarin e Albin Kurtit për dhunë. Një bashkëluftëtar i Adem Jasharit, Ilaz Kodrës, Hashim Thaçit e Kadri Veselit nuk mund të fyhet e njolloset me etiketimin “Serbia” – të cilën e ka luftuar me tërë qenien e vet. UÇK është vlerë universale e popullit tonë dhe si e tillë duhet të respektohet nga të gjithë”, ka shkruar Ismaili.
Në Skenderaj dje disa qytetarë u mblodhën para stacionit policor ku u intervistua Lushtaku për incidentin ku u sulmua kryetari i degës në Vetëvendosje, Hysni Mehani.
The post Ismaili shkon për vizitë te Lushtaku: Bashkëluftëtari i Adem Jasharit, Kodrës, Thaçit e Veselit s’mund të fyhet e njolloset appeared first on Gazeta Express.
