Ish-deputetja e Lidhjes Demokratike të Kosovës, Hykmete Bajrami ka kërkuar nga qeveria subvencionim të drejtpërdrejtë të sektorit të bujqësisë, duke filluar nga qumështi.
Sipas saj, mbështetja duhet të mbulojë të gjithë zinxhirin e prodhimit.
“Qeveria duhet ta subvencionojë qumështit, krejt zinxhirin: fermerin, përpunuesin dhe tregtarin, deri në masën që qumështi vendor të bëhet konkurrues në treg”, shkroi Bajrami.
Ajo propozoi diferencë çmimi deri në 20 cent për litër ndaj qumështit të importuar.
“Atëherë konsumatori e zgjedh qumështin vendor”, shtoi ajo.
Bajrami theksoi se stabiliteti politik dhe zhvillimi ekonomik duhet të jenë prioritete të qeverisë së re pas zgjedhjeve të 7 qershorit.
