Zyrtari i LDK-së, Muhamet Hamiti, ka vlerësuar se Kosova po e paguan shtrenjtë pushtetin e Albin Kurtit dhe të VV-së.
Ai ka bërë me dije se shkaku i veprimeve të Qeverisë Kurti Kosova po humb dhjetëra miliona euro nga BE-ja.
Në profilin e tij në Facebook, Hamiti ka shkruar edhe për dëmet tjera që kjo qeveria ia ka sjell Kosovës.
“Kosova po e paguan shtrenjtë pushtetin e Albin Kurtit dhe të VV-së së tij. Prej qershorit të vitit 2023 deri në fillim të vititi 2026, Kosova iu nënshtrua sanksioneve të ashpra financiare të BE-së për shkak të politikave të Qeverisë së Vetëvendosjes (VV). Rreth 700 milionë euro prej fondeve të BE-së për projekte jetike për qytetarët e vendit tonë qenë pezulluar. Koston e paguan qytetarët, jo Qeveria e tyre. Për shkak të bllokadës aktuale të institucioneve të Kosovës, më saktë të paralizës së shtetit, Kosova po humb dhjetëra milionë, potencialisht qindra milionë euro, nga Fondi i Rritjes i BE-së”, ka shkruar ai, duke dhënë detaje tjera.
“Dëmi kolosal që i është bërë Kosovës, me pasoja largvajtëse për rendin kushtetues të shtetit tonë, janë marrëveshjet e Brukselit/Ohrit të shkurtit/marsit të vitit 2023 që i ka pranuar kryeministri Albin Kurti në emër të Kosovës në procesin e dialogut me Serbinë. Qytetarët e Kosovës, si ata që e kanë votuar Kurtin dhe VV-në e tij, si të tjerët, po e paguajnë për çdo ditë koston e këtij pushteti që i ka varfëruar dhe po ua gërryen perspektivën në rrafsh social, ekonomik dhe politik. Kosova është sot në duart e deputetit Albin Kurti, liderit të VV-së, që ka marrë shumicë parlamentare me VV-në e tij për t’i formuar institucionet, por s’po do t’i formojë. Në të vërtetë ai i ka deformuar ato: nuk kemi kemi funksionim kushtetues as të Kuvendit, as të Qeverisë as të Presidencës. Vendi po shkon drejt anarkisë nën drejtimin e tij”, ka shkruar ai.
The post Humbja e dhjetëra milionë eurove nga BE, Hamiti: Kosova po e paguan shtrenjtë pushtetin e Albin Kurtit appeared first on Gazeta Express.
