Petrit Hoxha, kryetar i Këshillit Drejtues të shkollës “Ismail Qemali” në Prishtinë, ka folur për emisionin “Kosova Live” lidhur me gjendjen e krijuar në disa shkolla të Prishtinës.
Hoxha ka thënë se në shkollën “Ismail Qemali”, gjatë ditës së enjte, gjendja nuk ka qenë aspak e mirë për shkak të grumbullimit të mbeturinave nëpër klasa dhe hapësira të tjera të shkollës.
Sipas tij, te disa nxënës janë shfaqur edhe reaksione alergjike, ndërsa për situatën është njoftuar Drejtoria Komunale e Arsimit.
Sidoqoftë, punëtorët teknikë po vazhdojnë grevën, për shkak të pakënaqësive me pagat dhe mos-përfshirjes së tyre në Ligjin për Pagën Minimale.
The post Hoxha: Mbeturinat në shkolla, e rëndë, disa nxënës patën reaksione alergjike appeared first on Gazeta Express.
