Deputeti i Lidhjes Demokratike të Kosovës, Avdullah Hotit, ka folur sërish lidhur me kandidaturën e Bekim Sejdiut për president.
Hoti ka thënë se, kandidatura e Sejdiut nuk pasqyron interesat politike dhe parimore të LDK’së.
“Kjo kandidaturë nuk pasqyron interesat politike dhe parimore të Lidhjes Demokratike të Kosovës dhe elektoratit të saj. Përkundrazi, mënyra se si është imponuar kjo zgjidhje krijon përshtypjen se LDK ka penguar edhe kandidatura të tjera politike, vetëm për t’i hapur rrugë një kandidature që, në thelb, është po ashtu politike. LDK duhet të ketë një qëndrim të qartë, të pavarur dhe të përgjegjshëm. Nuk mund të mbështesim një kandidaturë vetëm për hir të një marrëveshjeje politike, nëse ajo nuk përfaqëson parimet, interesat dhe pritjet e elektoratit të LDK-së.”, ka thënë ai në A2cnn.
The post Hoti për Bekim Sejdiun: S’e mbështesim një kandidaturë që s’i përfaqëson parimet e pritjet e elektoratit të LDK’së appeared first on Gazeta Express.
