Një person është gjetur pa shenja jete në banesën e tij në Prishtinë, më 14 gusht.
Sipas Policisë së Kosovës, rasti është raportuar rreth orës 16:00.
“Është raportuar se viktima m/k është gjetur pa shenja jete në banesën e tij. Nga ekipi mjekësor është konstatuar vdekja e tij”, thuhet në raportin policor.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.
Rasti është duke u hetuar si “Hetim mbi vdekjen”.
