Kryeministri në detyrë i Kosovës, Albin Kurti përmes një konference për media ka folur sigurinë e vendit si dhe për themelimin dhe formimin e xhandarmërisë së Kosovës.
Sipas Kurtit, xhandarmëria do të ketë përgjegjësi të qarta në sigurimin e vijës kufitare të Kosovës – tokësore, ujore dhe ajrore – si dhe në kryerjen e operacioneve kundër grupeve të armatosura dhe terroriste, përfshirë ato me karakter paraushtarak.
Ai tha se një tjetër detyrë kyçe do të jetë parandalimi i kontrabandës ndërkufitare të mallrave dhe të emigrantëve, menaxhimi i situatave me rrezik të lartë, si dhe sigurimi i infrastrukturës kritike, përcjell Telegrafi.
“Me qëllim të adresimit të këtyre sifidave dhe përballjes me këto themelimi i xhandarmërisë si strukture e re dhe e disiplinuar është domosdoshmëri e kohës e cila do të plotësoj boshllëkun mes policisë dhe ushtrisë së Kosovës. Xhandarmëria do të ketë një mandat të qartë, sigurimin e vijës kufitare, tokësore, ujore dhe ajrore në tërë territorin e Republikës së Kosovës. Operacione kundër grupeve terroriste dhe të armatosura përshirë ato me karakter paraushtarak. Parandalimi i të gjitha llojeve të kontrabandës ndërkufitare si me mallra dhe me emigrantë. Menaxhimi i situatave të rrezikut të lartë si dhe sigurimi i infrastrukturës kritike. Themelimi dhe funksionalizimi i xhandarmërisë do të bëhet me miratimin e një ligji të veçantë në Kuvendin e Kosovës në legjislaturën e 11-të e cila do të dal pas zgjedhjet të parakoshshme të 7 qershorit”, ka thënë Kurti.
Ai shtoi se, pavarësisht angazhimit të jashtëzakonshëm të Policisë së Kosovës, mandati i saj mbetet kryesisht sigurimi i rendit publik dhe hetimi i krimit, ndërsa sulmet e vazhdueshme ndaj institucioneve qeveritare, qytetarëve, gazetarëve dhe trupave ndërkombëtare, si dhe sulmet terroriste të ndodhura në Banjskë të Zveçanit dhe Ibër Lepenc, kanë treguar nevojën për një strukturë të re me kapacitete ushtarake dhe teknologjike më të avancuara, përfshirë përdorimin e dronëve dhe mjeteve antidron.
“Gjendja e sigurisë në nivelin global dhe në Kosovë po evoluojnë me shpejtësi. Kërcënimet me të cilat po përballemi sot nuk janë ato të një dekade më parë. Sfidat kryesore me të cilat jemi përballur viteve të fundit përfshijën sulme të armatosura me municion ushtarakë dhe kapacitete superiore. Pastaj edhe kontrabandë e vazhdueshme me armë e mallra të cilat cënojnë sigurinë publike përjatë vijës së gjelbër kufitare. Pastaj infirltim i struktuar i grupeve të armatosura të cilat kërcëojnë sobraniotetin tonë, etj”, ka thënë Kurti.
Siç deklaroi Kurti, Policia e kosovës ka bërë dhe vazhdon të bëjë punë të jashtëzakonshme, megjithatë siç tha “ajo ka mandat sigurimin e rendit publik, parandalimin dhe hetimin e krimit”.
“Ne kemi pasur sulme të vazhdueshme gjatë viteve të fundit në evcanti në veri, ndaj institucionet e qeverisë, polciia, institucioenevtë qsigurisë, qyettarëve, institucine ndërkombëtare, sulmi mbi ushtarët e KFOR-it dhe gazetarët, sulmi terroristë në Banjskë të Zveçanit dhe sulmi në Ibër Lepenc, etj këto na treguan sse grupe të orhanizuara dhe të armatosura, me organizimi ushtarak, me armë të rënda dhe me kapacitete të rënda ushatarake përfshirë dron dhe antidron të cilat rrezikojën standardet policore, kanë rrezikuar dhe mund të rrezikojnë seriozisht sovranitetin e Republikës së Kosovës dhe qytetarëve të saj”, tha ndër të tjera Kurti. /Telegrafi/
