Banorët e lagjes Abaze në Krujë raportojnë se situata me zjarrin ka qenë e rënduar gjatë natës, për shkak të erës së fortë që favorizoi përhapjen e flakëve dhe i drejtoi ato pranë banesave.
Sipas banorëve, gjatë mëngjesit ka mbërritur edhe një helikopter për të ndihmuar në shuarjen e zjarrit.
Më herët Ministria e Mbrojtjes raportoi se Forcat e Armatosura janë angazhuar gjatë gjithë natës në operacionin për përballimin e zjarrit në lagjen Abaze në Krujë, duke punuar së bashku me strukturat e emergjencave për frenimin e përhapjes së flakëve dhe mbrojtjen e banorëve e pronës.
The post Era e fortë afron flakët pranë banesave në Abaze të Krujës, po ndërhyhet me helikopter appeared first on Gazeta Express.
