Të paktën 10 persona kanë mbetur të lënduar si pasojë e një aksidenti trafiku të ndodhur në magjistralen Gjakovë-Klinë ka njoftuar Policia e Kosoves.
Policia ka njoftuar se të lënduarit kanë pranuar trajtim mjekësor.
Në aksident janë përfshirë dy automjete, teksa bëhet e ditur se ka ndodhur në fshatin Mrasor.
“Rreth orës 18:30 kemi pranuar informatën për një aksident trafiku në rrugën magjistrale Gjakovë–Klinë, në fshatin Mrasor. Në aksident janë përfshirë dy automjete. Janë raportuar dhjetë persona të lënduar, të cilët kanë marrë trajtim mjekësor”, ka thënë zëdhënësja e Policisë , Vlera Krasniqi.
Rasti po trajtohet nga njësitë kompetente.
