Një objekt në Lagjen e Boshnjakëve në Mitrovicën e Veriut është shndërruar në muze, më shumë se dy dekada pas masakrës që ndodhi aty, duke u kthyer në vend të kujtesës historike për viktimat. Autoritetet thonë se këto hapësira do të shërbejnë për dokumentimin e krimeve dhe edukimin e brezave të rinj mbi të kaluarën.
Më shumë se 27 vjet pas masakrës në Lagjen e Boshnjakëve në Mitrovicën e Veriut, shtëpia ku ndodhi krimi është kthyer në muze. Njëra nga banoret e kësaj lagjeje rrëfeu ngjarjet e asaj dite.
“Nëntë persona i kanë mbështetur për muri dhe u kanë thënë: “Ju për Shqipëri”. Ndërsa 40 të tjerë janë vrarë këtu, jo vetëm të vrarë, por edhe të djegur. Fqinjët kanë thënë se britmat e tyre janë dëgjuar deri në qiell”, tha ajo, raporton RTK.
Shtëpia që u kthye në muze i përkiste familjes Sahiti nga Mitrovica.
The post “Britmat e tyre janë dëgjuar deri në qiell”, shtëpia e masakrës me 11 viktima shndërrohet në muze appeared first on Gazeta Express.
