Britania e Madhe dhe Franca do të presin nesër një takim të ministrave të Mbrojtjes nga më shumë se 40 vende mbi planet për të mbrojtur transportin detar në Ngushticën e Hormuzit.
Sekretari i Mbrojtjes i Britanisë së Madhe, John Healey, dhe homologia e tij franceze, Catherine Vautrin, do të bashkëkryesojnë takimin, ku partnerët pritet të diskutojnë planet ushtarake për të rivendosur trafikun përmes Ngushticës sapo të ketë mbaruar lufta, shkruan Sky News, transmeton Klankosova.tv.
Transporti detar përmes rrugës kryesore ujore mbetet i paralizuar, ndërsa ShBA-të dhe Irani refuzojnë përsëri propozimet e njëri-tjetrit për t’i dhënë fund konfliktit.
“Britania e Madhe po udhëheq këtë mision shumëkombësh mbrojtës sepse tregtia, energjia dhe siguria ekonomike për njerëzit që punojnë këtu në vend varen prej saj”, tha Healey.
“Ne po e shndërrojmë marrëveshjen diplomatike në plane praktike ushtarake për të rivendosur besimin për transportin detar përmes Ngushticës së Hormuzit”.
