Viktor Buzhala, i ftuar në Pressing në T7, ka folur për situatën aktuale në vend, dhe me propozimin e Bekim Sejdiut për president, nga ana e liderëve të VV’së dhe LDK’së, Albin Kurtit dhe Lumir Abdixhikut.
Buzhala, ka thënë se nuk ka asnjë element që Sejdiu është i afërt me VV’në.
‘’Asnjë element nuk ekziston që Bekim Sejdiu ka ndonjë afërsi me VV’në, të gjitha të çojnë kah LDK’ja. Ka qenë ambasador, ka qenë konsull, gjyqtar i Kushtetueses. Sejdiu është kandidat konsensual. Vetëm një javë para se me u propozuar ai, zoti Haradinaj ishte në familjen e tij, dhe e glorifikoi atë familje. Familja e Sejdiut, e gjerë e Sejdiut, është familje e rëndësishme e AAK’së në Klinë. Dhe i ndihmon kryetarit të Klinës të zgjidhet tash e tri mandate. Përderisa Aleanca në nivel të Klinës është në vend të tretë sa i përket niveli nacional, në Grabanicë është gjithmonë e para falë familjes Sejdiu. Përderisa e glorifikon familjen e tij, një nga pinjollët kryesorë të asaj familje që është Bekim Sejdiu, sigurisht që ka borxh të ia bëj kourumin’’ ka thënë ai, përcjell Gazeta Express.
The post “Asnjë element s’ekziston që Sejdiu ka afërsi me VV, të gjitha çojnë kah LDK”, Buzhala: Familja e tij është e rëndësishme për AAK’në në Klinë appeared first on Gazeta Express.
