Policia e Lezhës ka arrestuar një 57-vjeçar, i dyshuar si autor i zjarrvënies që përfshiu një sipërfaqe të madhe pyjore në malin e Shëngjinit, pas veprimeve hetimore për zbardhjen e plotë të rrethanave të ngjarjes.
Policia e Lezhës ka arrestuar një 57-vjeçar, i dyshuar si autor i zjarrvënies që përfshiu një sipërfaqe të madhe pyjore në malin e Shëngjinit, pas veprimeve hetimore për zbardhjen e plotë të rrethanave të ngjarjes.
Sipas Policisë, shtetasi B. A. dyshohet se më datë 3 korrik 2026, në vendin e quajtur “Sagë”, Shëngjin, ka ndezur zjarr për djegien e mbeturinave pranë subjektit të tij tregtar, por flakët kanë dalë jashtë kontrollit dhe janë përhapur në zonën pyjore të malit të Shëngjinit.
Gjatë përhapjes së zjarrit, në terren ka ndodhur edhe një shpërthim i dyshuar si i një predhe luftarake të pashpërthyer, e cila është aktivizuar si pasojë e flakëve në zonën malore. Si pasojë është dëmtuar lehtë shtetasi A. U., 30 vjeç, pasagjer në një automjet që po kalonte në zonë, i cili ka marrë ndihmë mjekësore dhe ndodhet jashtë rrezikut për jetën.
Hetimet kanë evidentuar gjithashtu se gjatë ngjarjes është hequr DVR-ja e subjektit të të dyshuarit, me qëllim pengimin e zbulimit të së vërtetës.
Në përfundim të veprimeve procedurale, Policia arrestoi në flagrancë shtetasin B. A., 57 vjeç, banues në Shëngjin, për veprat penale “Shkatërrimi i pronës nga pakujdesia”, “Veprime që pengojnë zbulimin e së vërtetës”, “Shkatërrimi nga pakujdesia me zjarr i pyjeve dhe mjedisit pyjor” dhe “Plagosje e lehtë nga pakujdesia”.
Policia e Lezhës apelon për kujdes maksimal nga qytetarët.
