Policia e Kosovës ka arrestuar një person të kërkuar për veprën penale “Vjedhje e rëndë”, i cili ishte dënuar me katër vjet burgim.
Sipas njoftimit të Policisë, zyrtarët e Stacionit Veriu në Prishtinë kanë realizuar të enjten arrestimin e të kërkuarit.
I arrestuari, B.A., 42 vjeç, ishte në kërkim për vuajtjen e dënimit prej katër vitesh burgim, të shqiptuar për veprën penale “Vjedhje e rëndë”.
Pas arrestimit dhe përfundimit të procedurave të nevojshme policore, 42-vjeçari është dërguar në vuajtje të dënimit, në përputhje me vendimin e gjykatës./Telegrafi/
