Moska edhe kësaj here është përfshirë në zhvillimet politike para zgjedhjeve në Serbi, duke dërguar një mesazh të qartë për qëndrimin e saj ndaj pushtetit në Beograd: Rusia dëshiron që Aleksandar Vuçiq të mbetet në krye të Serbisë.
Ambasadori rus në Beograd, Aleksandar Bocan-Harçenko, ka paralajmëruar për rrezikun e një të ashtuquajturi “revolucion me ngjyra” pas zgjedhjeve, duke ngritur mundësinë që protestat apo përpjekjet për ndryshim politik të paraqiten si pjesë e një skenari të tillë.
Mesazhi vjen në një kohë kur Vuçiq po përballet me presion të madh politik dhe protesta në vend. Paralajmërimi rus për “revolucion me ngjyra” shihet si sinjal se Moska kundërshton çdo skenar që do të mund të çonte në ndryshimin e pushtetit në Beograd.
Rusia vazhdon ta konsiderojë Serbinë një aleate të rëndësishme në Ballkan dhe, përmes deklarimeve të zyrtarëve të saj, po e bën të qartë interesin për ruajtjen e ndikimit politik në vend.
The post Moska ndërhyn sërish në zhvillimet zgjedhore në Serbi, mesazh i qartë – Rusia dëshiron që Aleksandar Vuçiq të mbetet në krye appeared first on Gazeta Express.
