Kryeministri i Kosovës, Albin Kurti, ka përsëritur ofertën e tij që kampi Bondsteel të shndërrohet në bazë të përhershme ushtarake amerikane.
Kurti këtë deklaratë e bëri gjatë takimit me kongresistin demokrat, George Latimer, me të cilin bisedoi edhe për aspiratën e Kosovës që një ditë të bëhet pjesë e NATO-s.
“Diskutuam për zhvillimin ekonomik, përparimin në siguri, forcimin e pozitës sonë ndërkombëtare dhe partneritetin e fuqishëm ndërmjet Kosovës dhe Shteteve të Bashkuara të Amerikës, përfshirë bashkëpunimin në mbrojtje dhe zhvillim. Ritheksova qëndrimin tonë që Kampi ‘Bondsteel’ të shndërrohet në bazë të përhershme ushtarake amerikane, në funksion të paqes, stabilitetit dhe sigurisë afatgjate në rajon”, shkroi Kurti në rrjetet sociale lidhur me takimin e zhvilluar në Nju Jork.
The post Kurti në Nju Jork ia ritregon kongresmenit amerikan Latimer ofertën e Kosovës për “Bondsteel”-in si bazë të përhershme appeared first on Gazeta Express.
