Kallas sytë te dialogu Kosovë – Serbi, në takim me të edhe Sorensen, çfarë iu tha Kurtit dhe Vuçiqit në Nju Jork

Ditën e djeshme, kryeministri i vendit, Albin Kurti, ka zhvilluar një takim me Përfaqësuesen e Lartë të Bashkimit Evropian për Politikë të Jashtme dhe Siguri, Kaja Kallas.

Në këtë takim, të cilin Kurti e ka zhvilluar gjatë vizitës në New York, ka marrë pjesë edhe i dërguari i posaçëm i Bashkimit Evropian për Dialogun mes Kosovës dhe Serbisë, Peter Sorensen.

Përgjatë takimit, Kurti, ka shkruar se është biseduar për dënimin e ish-krerëve të UÇK’së, duke i shprehur ‘’shqetësimet’’ e tij, Kallasit.

‘’Diskutuam gjithashtu aktgjykimin e shkallës së parë të Dhomave të Specializuara të Kosovës dhe shpreha shqetësimin tim të thellë për karakterin mono-etnik të qasjes së gjykatës, si dhe për aktgjykimin e gabuar dhe dënimet e padrejta ndaj ish-krerëve të UÇK-së. Procesi ligjor nuk ka përfunduar dhe ne do të vazhdojmë angazhimin tonë për të kërkuar korrigjimin e këtyre vendimeve në apel.’’, ka shkruar ai mes tjerash në ‘‘X’’.

Ndërsa Kallas, përveç Kurtit, ka takuar edhe liderin serb, Aleksandar Vuçiq, me të cilët, ajo ka ‘’ngritur nevojën për avancimin e normalizimit të marrëdhënieve’’ mes dy vendeve.

Përfaqësuesja e lartë e BE’së, ka theksuar edhe se, marrëveshjet e arritura përmes dialogut janë ”të detyrueshme” dhe se, ”është koha për të ecur përpara”.

‘‘Sot u takova me Presidentin Vuçiq dhe Kryeministrin Kurti dhe ngrita nevojën për avancimin e normalizimit të marrëdhënieve ndërmjet Beogradit dhe Prishtinës. Përparimi në normalizimin e marrëdhënieve dhe avancimi në rrugën drejt BE-së duhet të ecin paralelisht. Marrëveshjet e arritura përmes Dialogut të lehtësuar nga BE-ja, veçanërisht Marrëveshja e Ohrit, janë të detyrueshme. Zbatimi i tyre nuk është një favor ndaj Brukselit, por një detyrim ndaj qytetarëve të tyre dhe ndaj një rajoni që pret marrëdhënie të normalizuara. BE-ja do të vazhdojë të jetë një ndërmjetësues i paanshëm. Por ndërmjetësimi nuk mund ta zëvendësojë vullnetin politik në Beograd dhe Prishtinë. Është koha për të ecur përpara’’, ka shkruar Kallas në postimin e saj në ‘’X’’ dje.

Kallas i takon ndaras Kurtin e Vuçiqin, përpiqet t’i shtyjë të ecin përpara në dialog: Marrëveshja e Ohrit në veçanti është obligative

Kurti takohet me Kaja Kallas: Radojçiqi duhet të përballet me drejtësinë kosovare – Gjykata Speciale monoetnike dhe e padrejtë

The post Kallas sytë te dialogu Kosovë – Serbi, në takim me të edhe Sorensen, çfarë iu tha Kurtit dhe Vuçiqit në Nju Jork appeared first on Gazeta Express.