UBT, në bashkëpunim me Catalyst Story Institute nga Shtetet e Bashkuara të Amerikës, po sjell në Kosovë një mundësi të re profesionale për të rinjtë dhe talentet që synojnë të zhvillojnë karrierën e tyre në industrinë e filmit dhe televizionit.
Në kuadër të këtij bashkëpunimi, hapet thirrja për nxënësit e shkollave të mesme, studentët dhe të rinjtë me talent, interes dhe pasion për kinematografinë, aktrimin, regjisë, skenarin, produksionin dhe fushat e tjera kreative e teknike të industrisë audiovizuale.
Përmes programit “Hollywood 101”, pjesëmarrësit do të kenë mundësi të njihen me mënyrën se si funksionon industria ndërkombëtare e filmit dhe televizionit, duke përfituar njohuri dhe përvojë nga profesionistë të industrisë me eksperiencë në produksione ndërkombëtare dhe në kompani si HBO, Netflix dhe Warner Bros.
Programi do të trajtojë tema që lidhen me strukturën e industrisë, procesin e audicioneve, intervistat, zhvillimin kreativ, dokumentacionin profesional, sigurinë në set, buxhetet, kontratat, pagesat, terminologjinë dhe organizimin e një produksioni filmik dhe televiziv.
Thirrja u drejtohet veçanërisht të rinjve që kanë interes në:
Aktrim,
Regji,
Skenar dhe shkrim kreativ,
Kinematografi,
Montazh,
Animacion,
Produksion,
Arte dramatike,
Media dhe komunikim,
Përmbajtje digjitale,
Profesione teknike dhe të tjera të industrisë audiovizuale.
Pas përfundimit të programit fillestar, pjesëmarrësit do të kenë mundësi të orientohen drejt fushave të ndryshme të specializimit dhe të zhvillojnë më tej aftësitë e tyre profesionale.
Një komponent i rëndësishëm i kësaj iniciative është edhe bashkëpunimi me BoyHouse Studio, përmes të cilit parashikohen mundësi zhvillimore dhe mentorimi për talentet më të dalluara, duke krijuar një urë ndërmjet trajnimit dhe mundësive konkrete për zhvillim profesional.
UBT fton të gjithë nxënësit e shkollave të mesme, studentët dhe të rinjtë me talent dhe pasion për filmin dhe televizionin që të aplikojnë dhe të bëhen pjesë e kësaj mundësie të veçantë.
Të interesuarit mund të aplikojnë përmes linkut online.
Kjo iniciativë synon të krijojë mundësi të reja për talentet e reja në Kosovë, duke i lidhur ata me njohuri, përvojë profesionale, mentorim dhe standarde ndërkombëtare të industrisë së filmit dhe televizionit.
