Partia Demokratike e Kosovës e ka tërhequr kandidaturën e Vlora Çitakut për nënkryetare të Kuvendit.
Shefi i grupit parlamentar të PDK-së, Arian Tahiri ia ka dërguar një letër kryetares së Kuvendit, Albulena Haxhiu, duke e njoftuar për “tërheqjen e përkohshme të kandidaturës së znj. Vlora Çitaku për pozitën e nënkryetares së Kuvendit të Republikës së Kosovës”.
“Ky vendim nuk është një veprim i zakonshëm politik dhe as refuzim i përgjegjësisë sonë institucionale. Përkundrazi, ai është pasojë e drejtpërdrejtë e shkeljeve të vazhdueshme, të përsëritura dhe tashmë të pajustifikueshme të afateve dhe detyrimeve kushtetuese për konstituimin e Kuvendit të Republikës së Kosovës”, thuhet në letër.
The post PDK njofton me shkrim për pezullimin e kandidaturës së Çitakut derisa të deklarohet Kushtetuesja (Dokument) appeared first on Gazeta Express.
