Instituti Hidrometeorologjik i Kosovës ka parashikuar mot kryesisht me diell dhe të ngrohtë për sot.
”Temperaturat do të jenë më të ulëta krahasuar me të shtunën”, thotë IHMK.
Temperaturat minimale do të lëvizin nga 11°C deri në 16°C, ndërsa maksimalet pritet të arrijnë nga 29°C deri në 34°C.
Era do të fryjë kryesisht nga veriu dhe veriperëndimi, me shpejtësi prej 1 deri në 4 m/s.
Sipas IHMK-së, kushtet biometeorologjike do të jenë më të favorshme se të shtunën, megjithatë gjatë mesditës do të mbetet e pranishme ngarkesa termike e shtuar.
Mungesa e reshjeve dhe temperaturat e larta do të favorizojnë humbjen e lagështisë nga toka, ndaj rekomandohet monitorimi i nevojës për ujitje.
Indeksi UV do të jetë i lartë, prandaj rekomandohet kujdes dhe shmangie e ekspozimit të zgjatur në diell gjatë orëve me intensitet më të lartë.
The post Edhe sot mot i nxehtë në Kosovë, por me temperatura pak më të ulëta sesa dje appeared first on Gazeta Express.
