Kryetari i Kuvendit, Afrim Gashi, mori pjesë në manifestimin qendror në Ohër me rastin e Ditës së Armatës – 18 Gushtit.
Me këtë rast, Gashi përcolli mirënjohjen për të gjithë pjesëtarët e Armatës për profesionalizmin, përkushtimin dhe sakrificën e tyre në shërbim të shtetit dhe qytetarëve.
“Një Armatë e fuqishme, profesionale dhe moderne është shtyllë e shtetit demokratik, sovranitetit dhe stabilitetit institucional. Në një rajon që e njeh shumë mirë çmimin e konflikteve, siguria ndërtohet përmes forcës së përgjegjshme, bashkëpunimit dhe besimit. Si anëtare e NATO-s, Republika e Maqedonisë së Veriut nuk kontribuon vetëm në sigurinë e saj, por edhe në sigurinë e aleatëve dhe në ruajtjen e paqes e stabilitetit në rajon dhe më gjerë. Prandaj, investimi në Armatë është investim në demokraci, paqe dhe një të ardhme evropiane më të sigurt për rajonin”, thekson kryetari Gashi.
Në këtë manifestim, Gashi i’u nda edhe Plaketa e madhe e Armatës nga Shefi i Shtatmadhorisë së Armatës së RMV, gjeneral-major Sashko Llafçiski.
