Ushtruesja e detyrës së Presidentes së Kosovës, Albulena Haxhiu, ka ftuar krerët e partive politike për konsultime rreth çështjes së Presidentit. Takimi u ftua për sot, derisa ftesa u është dërguar të premten, të njëjtën ditë kur edhe kur kreu i VV Albin Kurti ka bërë thirrje për takime.
Përveç kreut të PDK’së Bedri Hamzës, të LDK’së Lumir Abdixhikut, të Aleancës Ardian Gjinit, Haxhiu ka ftuar edhe shefin e saj partiak Albin Kurtin.
Aktualisht opozita dhe pushteti janë duke u përplasur për seancën konstituive të cilën kryesuesi Avni Dehari nga radhët e VV’së nuk po e thërret me arsyetimin se duhet marrëveshje për Presidentin para konstituimit të Kuvendit.
PDK, LDK dhe Aleanca nuk kanë pranuar ftesën e Albulena Haxhiut për takim i paparë të mbahet të martën, më 18 gusht.
Partia Demokratike e Kosovës ka njoftuar të shtunën se nuk do të marrë pjesë në takimin e ftuar. Kjo ështtë bërë e ditur knga deputeti i kësaj partie Uran Ismaili.
Ai e ka cilësuar si manipulim politik diskutimin për shtyrjen e afateve, duke thënë se Haxhiu do të duhej t’i drejtohej kryesuesit të seancës konstituive, Avni Dehari, për thirrjen e Kuvendit.
Edhe Lidhja Demokratike e Kosovës (LDK), e ka refuzuar takimin me Haxhiun, ndonëse ka qenë e hapur për takimet me Kurtin. Fillimisht për këtë ka njoftuar Abdixhiku.
Nënkryetari i LDK-së Lutifi Haziri e ka quajtur Haxhiun si “vetëm një deputete”, duke nënkuptuar se nuk mund ta luajë rolin e presidentes.
Ndërsa, kreu i Aleancës Ardian Gjini ka thënë se Haxhiu s’është Presidente e zgjedhur e as nuk ka mandat për t’u shfaqur si unifikuese duke qartësuar se Aleanca nuk do të shkojë në takim.
Refuzimet për takim Albulena Haxhiu i ka quajtur si “të gabuara”, duke thënë se “nyja është çështja e Presidentit”.
Ajo nuk ka treguar nëse do të mbahet takimi i thirrur, ku vetëm bashkëpartiaku i saj Albin Kurti nuk e ka refuzuar ftesën. /Gazeta Express.
The post PDK, LDK e AAK e refuzuan takimin e sotëm të Haxhiut për Presidentin, vetëm Kurti pranoi appeared first on Gazeta Express.
