Policia e Kosovës, në bashkëpunim me Doganën e Kosovës, ka parandaluar futjen e 100 mijë eurove të padeklaruara në territorin e Republikës së Kosovës.
Rasti ka ndodhur sot, më 16 gusht 2026, në Pikëkalimin Kufitar Dheu i Bardhë, gjatë kontrollit të detajuar të një autobusi të linjës ndërkombëtare.
Sipas njoftimit Policisë, gjatë kontrollit janë gjetur dhe sekuestruar 100 mijë euro, të ndara në 500 kartëmonedha nga 200 euro. Shuma nuk ishte deklaruar sipas procedurave të detyrueshme.
Mjetet monetare janë sekuestruar nga autoritetet, ndërsa ndaj personit përgjegjës është iniciuar procedurë për kundërvajtje doganore.
