Sekretari amerikan i Mbrojtjes, Pete Hegseth, deklaroi të enjten se Shtetet e Bashkuara kanë kapacitetin për të mbajtur pa afat bllokadën detare ndaj porteve iraniane, për aq kohë sa të jetë e nevojshme.
Duke folur për mediat, Hegseth tha se Marina amerikane mund ta vazhdojë operacionin përmes rotacionit të anijeve luftarake në rajon.
“Marina e Shteteve të Bashkuara mund të mbajë një bllokadë të tillë pa afat”, deklaroi Hegseth.
Hegseth foli pas një vizite në bordin e anijes amerikane USS Gridley, ndërsa presidenti Donald Trump një ditë më parë deklaroi se SHBA ka “kontroll total” mbi ngushticën strategjike të Hormuzit. /Panorama
The post Sekretari amerikan i Mbrojtjes: SHBA mund të mbajë bllokadën detare ndaj porteve iraniane “pa afat” appeared first on Gazeta Express.
