Behrami: Kurti është adresa e shkatërrimit të Republikës së Kosovës [video]

Deputeti i Partisë Demokratike të Kosovës, Artan Behrami, përmes një video në rrjetin social Facebook, i ulur në karrigen e kryeministrit në detyrë, Albin Kurti, u shpreh se Kurti nuk ka sakrifikuar asgjë për t’u ulur në atë vend.

Behrami poashtu e quajti Kurtin si adresë të shkatërrimit të vendit.

“Ky është vendi ku zakonisht ulet Albin Kurti. Po për të ardhur në këtë vend, ai njeri nuk ka sakrifikuar asgjë. Nuk ka marrë pjesë as në luftën çlirimtare, ka qenë kundër Rambujesë, ka qenë kundër Vjenës, ka qenë kundër shtetit, ka qenë kundër simboleve, ka qenë kundër flamurit, ka qenë kundër këtij parlamenti. Kur ka hyrë në institucione, ai ka filluar rrënimin e tyre. E ka djegur Kuvendin, e ka sulmuar Kuvendin dhe tani po sulmon Kushtetutën dhe Republikën tonë. Andaj ne duhet të bashkohemi kundër këtij njeriu, sepse ky është adresa e shkatërrimit të Republikës së Kosovës”, tha ai.