Ambasada amerikane ka përmbledhur vizitën e senatores amerikane Joni Ernst në Kosovë, duke thënë se kjo i shërbeu për të kuptuar zhvillimet aktuale në vend.
“Senatorja Joni Ernst përmbylli vizitën e saj në Kosovë pas takimeve me drejtuesit e institucioneve të Kosovës, përshëndetjes së trupave nga Iowa në Kampin Film City, si dhe vizitës në Kampin Bondsteel dhe takimit me pjesëtarët e përkushtuar të Komandës Rajonale Lindje të KFOR-it dhe Grupit të Mbështetjes së Zonës – Ballkan”.
Ambasada përmendi po ashtu edhe nderimin me Medaljen Presidenciale të Meritave që iu bë senatores.
“Takimet produktive të senatores i ofruan asaj një pasqyrë të vlefshme dhe të drejtpërdrejtë mbi zhvillimet aktuale në Kosovë, si dhe theksuan rëndësinë e një marrëdhënieje konstruktive mes SHBA-së dhe Kosovës”.
The post Senatorja Ernst në Kosovë, Ambasada e SHBA: U potencua rëndësia për “marrëdhënie konstruktive SHBA-Kosovë” appeared first on Gazeta Express.
