BDI sot ka akuzuar qeverinë se po çon vendin drejt një vale të re shtrejtimesh.
“Brenda më pak se një muaji, çmimi i dizelit u rrit nga 82,5 në 99,5 denarë për litër. Plot 17 denarë më shumë, ose rritje prej 20,6%. Rritja në Maqedoninë e Veriut është afërsisht katër herë më e madhe se rritja mesatare e evidentuar në vendet e Bashkimit Evropian gjatë periudhës së krahasueshme.
Këtë rritje qytetarët do ta paguajnë shumëfish. Dizeli prej 99,5 denarësh nënkupton transport më të shtrenjtë, ushqime më të shtrenjta, kosto më të larta për bujqit dhe bizneset, si dhe presion të ri mbi inflacionin. Çdo kamion që sjell mall në market, çdo autobus dhe çdo makinë pune sot kushton më shumë. Në fund, krejt kjo hyn në çmimin që e paguan qytetari.
Qeveria i la qytetarët vetëm përballë rritjes më të madhe të çmimit të dizelit në vitet e fundit. Derisa vendet e tjera ndërhyjnë me ulje të akcizave, subvencione dhe masa për mbrojtjen e familjeve, këtu çmimi po shkon drejt 100 denarëve, ndërsa pagat dhe pensionet mbeten të njëjta.
Pas kësaj rritjeje vjen vala e re e shtrenjtimit. Fatura do të mbërrijë në çdo shtëpi”, thonë nga BDI./Telegrafi/
