Për një sulm vdekjeprurës gjatë Paradës së Krenarisë në Berlin, kancelari i Gjermanisë, Friedrich Merz, ka reaguar duke e dënuar ashpër ngjarjen dhe duke shprehur solidaritet me viktimat dhe familjet e tyre.
Sipas raportimeve, një person humbi jetën dhe 16 të tjerë mbetën të plagosur pasi një automjet u përplas me turmën e pjesëmarrësve.
Merz e cilësoi ngjarjen si një tragjedi, duke theksuar se mendimet e tij janë me familjarët e viktimës dhe të lënduarit.
“Këta ekstremistë nuk kanë vend në shoqërinë tonë”, ka deklaruar ai.
Kancelari gjerman falënderoi gjithashtu ekipet e emergjencës për reagimin e shpejtë dhe ndihmën e ofruar të plagosurve.
Ai u bëri thirrje qytetarëve që morën pjesë në Paradën e Krenarisë të mos dorëzohen para frikës.
“Këto sulme kanë vetëm një qëllim, të përçajnë shoqërinë tonë”, ka shtuar Merz përcjell Dukagjini.
Duke folur për hetimet, ai u zotua se autoritetet do të bëjnë gjithçka për të identifikuar dhe arrestuar përgjegjësin ose përgjegjësit e sulmit, duke vepruar me vendosmëri dhe kujdes.
“Gjermania nuk do të lejojë që helmi i terrorizmit të ndikojë në shoqërinë tonë. Ne do të mbrojmë lirinë dhe hapjen e jetës sonë”, ka deklaruar kancelari Friedrich Merz.
