Komuna e Prishtinës ka njoftuar se duke filluar nga nesër, një pjesë e rrugës “Ilir Konushevci” do të mbyllet për qarkullim për shkak të zhvillimit të punimeve infrastrukturore.
Sipas njoftimit të komunës, segmenti që do të jetë i pakalueshëm shtrihet nga kryqëzimi me semaforë në rrugën “Lidhja e Prizrenit” deri te kryqëzimi me semaforë në rrugën “Vëllezërit Fazliu”. Mbyllja do të zgjasë pesë ditë.
Komuna u ka bërë thirrje qytetarëve që, për të shmangur vonesat në komunikacion, të shfrytëzojnë rrugët alternative: rrugën “Maliq Pashë Gjinolli”, përmes rrugës “Bajram Bahtiri”; Unazën Qendrore dhe rrugën “Zagrebi”, përmes rrugës “Vëllezërit Fazliu”; rrugën “Murat Mehmeti”, me dalje në rrugën “Lidhja e Prizrenit”.
