Punimet në asfaltim në kyçjen e Mazgitit kanë përfunduar sipas planifikimit, ndërsa ky segment rrugor është hapur tashmë për qarkullimin e automjeteve.
Sipas njoftimit nga Ministria e Infrastrukturës dhe Transportit, ndërhyrja është realizuar si një masë e përkohshme, me qëllim të përmirësimit të kushteve të qarkullimit dhe rritjes së sigurisë në këtë pjesë të rrugës.
Autoritetet kanë bërë të ditur se kjo zgjidhje do të mbetet në fuqi deri në përfundimin e analizave teknike, të cilat pritet të përcaktojnë zgjidhjen afatgjatë për problemin e ujërave nëntokësore që po dëmtojnë trupin e rrugës.
Po ashtu, është njoftuar se gjatë ditëve në vijim do të realizohet edhe vendosja e sinjalizimit horizontal, duke përmbyllur kështu të gjitha punimet e planifikuara në këtë fazë.
MIT-i ka falënderuar qytetarët për durimin dhe mirëkuptimin e treguar gjatë kohës së zhvillimit të punimeve. /Zëri
